Teâđ teeʹmmeeʹjjest

Čuõvtõõzz teeʹmmeeʹjj 2024 äjšmõʹttjen lij Lääʹddjânnam puärrsummus čuõvtemtuâj da jieʹllemâkksaž mättjummuž foond, Kansanvalistusseura, 150-eeʹjjprääʹzneǩeeʹǩǩ.

Čõõđ viikkmõõžž ohjjad tuejjeemtääʹzzest Čuõvtõõzz teeʹmmeeʹjj tåimmkåʹdd, koozz vuässââtt jõnn oudsteeʹji joukk õhttsažkååʹdd jeeʹres sektoorin. Tåimmkååʹdd saaǥǥjååʹđteeʹjen lij europarlamentariikkâr Sirpa Pietikäinen. Mättʼtõs- da kulttuurministeria oudsteeʹjen tåimmkååʹddest lij kansliajååʹđteei Anita Lehikoinen.

Teeʹmmeeʹjj šõddmõõžžid vuäitt seuʹrrjed sosiaalʼlaž mediast tobdldõõǥǥivuiʹm #sivistys2024 #bildning2024

Teeʹmmeeʹjj čuõvtõõzz täʹrǩstõõlât täi teeʹmi pääiʹǩ:

Ǩeâllʼjeei pueʹttiäiʹǧǧ

Määŋghämmsažvuõtt, õõutverddsažvuõtt da ođđläʹddlažvuõtt

Kulttuur da čeäppõs ooudâstjooʹttjen

Tiõttjest čuõvtõssân

Lookkâmtäidd da dialoog

Jieʹllemâkksaž mättjummuš da čuõvtõs

Lââʹssen čõõđčuõppi teeʹmmen lie digitalisaatio da mieʹttjieʹllem.

Šõddmõõžžid vuäitt jäʹrjsted pääiklažvuõđ lokku vääʹldeeʹl da jeeʹres ǩiõʹlle. Raportâsttmõõžž tuejjeet kuuitâǥ lääddas.